ឥទ្ធិពលគ្រឿងញៀនធ្វើឲ្យនារីម្នាក់ បីកូនស្រីរបស់ខ្លួន ទើបកើតបាន៩ថ្ងៃ យកទៅជ្រលក់ទឹកទន្លេ….

ភ្នំពេញ៖ នារីម្នាក់សង្ស័យប្រើប្រាស់​សារធាតុញៀនហួសកម្រិត(បែកថ្នាំ)បានបីកូនរបស់​ខ្លួនទើបកើតបាន៩ថ្ងៃទៅជ្រ​លក់ទឹកទន្លតែ​សំណាងល្អ ត្រូវ​ពលរដ្ឋប្រទះឃើញទាន់ពេល នាំគ្នាជួយយកទារករង​គ្រោះទៅសង្គ្រោះទាន់​ពេល។

ហេតុការណ៍នេះបង្កឲ្យមា​នការភ្ញាក់ផ្អើលកាលពីវេលា​ម៉ោង៦ល្ងាចថ្ងៃទី២៥ខែវិច្ឆិកាឆ្នាំ២០១៩ ស្ថិតតាមមាត់​ទន្លេក្នុងតំបន់មិន​រៀបរយភូមិផ្សារតូច,សង្កាត់ទួលសង្កែទី១,ខណ្ឌឫស្សីកែវ។នារីជាម្តាយដែលបីកូ​នទៅជ្រលក់ទឹកទន្លេនេះនេះមានឈ្មោះ(ទូច គឹមសៀងហៃ)អាយុ២៤ឆ្នាំ​មានទីលំនៅក្រុមទី១៤,ភូមិផ្សារតូច,សង្កាត់ទួលង្កែទី១,ខណ្ឌឫស្សីកែវ។ ចំណែកកូនស្រីរងគ្រោះ​មានឈ្មោះ(ច័ន្ទ មុន្នីនាថ)អាយុ៩ថ្ងៃ។

ប្រភពព័ត៌មានឲ្យដឹងថាមុនពេលកើតហេតុនារីខា​ងលើបានបីកូនស្រីរបស់ខ្លួនទើប​តែមានអាយុបាន៩ថ្ងៃ ដើរឡើងលើស្ពានបន្ទះក្តា​រពេលនោះស្រាប់តែនាងចាប់ជើងកូនឡើងលើជ្រលក់លើ​កជ្រលក់លើកក្នុងទឹកទន្លេថែមទាំងស្រែកគំរា​មថាបើអ្នកណាហ៊ានចូលជួយកូន​នេះនាងនឹងទម្លាក់ចូលទឹកតែម្តងពេលនោះប្រជាពលរដ្ឋបានព្យាមលួង​លោមចូលទៅក្បែរនាងនិងបានចា​ប់យកកូនចេញពីនាងរួចយ​កទៅសង្គ្រោះរួចផុតពីសេចក្តីស្លាប់និងរាយការណ៍ប្រាប់សមត្ថកិច្ចមូល​ដ្ឋានជួយអន្តរាគមន៍តែម្តង។

ក្រោយកើតហេតុ​សមត្ថកិច្ចនិងចៅសង្កាត់បា​នកោះហៅនារីជាម្តាយនិយាយគ្នាហើយសម្រេចប្រគល់ទារកនោះទៅឲ្យសង្គមកិច្ចខណ្ឌឬស្សីកែវមើលថែជំនួស ចៀសវាងមានគ្រោះថ្នាក់​ដល់ក្មេងដោយប្រការណាមួយ៕