តោះមកស្តាប់ការបកស្រាយពិតនៅកន្លែងក្រុមហ៊ុន អ៊ីណារីតា និងមានក្រុមតារាជាច្រេីននាក់បានធ្វេីការច្រានចោលពីករណីចាប់ខ្លួនលោកអគ្គនាយកក្រុមហ៊ុន អ៊ីណារីតា…

បន្ទាប់ពីមានការចុះផ្សាយនិងការបង្ហោះជាហូរហែរថាក្រុមហ៑ុនEnarita ឆបោកអតិថិជននិងបានចេញសែកក្លែងក្លាយតំណាងក្រុមហ៊ុននិងក្រុមតារាសិល្បៈច្រើននាក់បានចេញមុខការពារភ្លាមៗជុំវិញករណីចោទប្រកាន់ជុំវិញរឿងរសើបនេះ។ ជាមួយគ្នានោះតំណាងក្រុមហ៑ុនក៍អះអាងថាក្រុមហ៑ុនមិនបានឆបោកនិងឆ្លើយបំភ្លឺជុំវិញរឿងសែកក្លែងក្លាយដើម្បីបញ្ចប់មន្ទិលផងដែរ។

ប្រភពពីក្រុមហ៊ុនEnarita បានឆ្លើយតបចំពោះព័ត៍មានរសើបដែលបានលេចឡើងថាលោកអគ្គនាយកក្រុមហ៑ុនEnarita មិនត្រូវបានឃុំខ្លួនឬជាប់ពន្ធធនាគារដូចការចុះផ្សាយរបស់បណ្ដាញសារព័ត៍មានឬការបង្ហោះបំភ្លើសនោះទេពោលគឺលោកគ្រាន់តែត្រូវបានស្នើអោយចូលខ្លួនបំភ្លឺជុំវិញរឿងគេចោទថាចេញសែកក្លែងក្លាយប៉ុណ្ណោះដែលការពិតសែកនោះជាសែកពិតប្រាកដប៉ុន្តែដោយសារតែក្រុមហ៊ុនមានបញ្ហារាំងស្ទះលុយកាក់ហើយក្រុមហ៊ុនស្នើអោយពួកគាត់រង់ចាំតែពួកគាត់មិនរង់ចាំទើបនាំគ្នាស្រែកថាក្រុមហ៊ុន អោយសែកគ្មានទឹកប្រាក់និងមិនដោះស្រាយជាដើម។

តំណាងក្រុមហ៑ុនបន្តថាក្រុមហ៑ុនបានប្រកាសអោយអ្នកមានសែកទាំងអស់មកដូរលុយសុទ្ធនៅក្រុមហ៑ុនប៉ុន្តែមានការយឺតយ៉ាវខ្លះគឺស្នើអោយរង់ចាំបើកតាមដំណាក់កាលៗហើយបណ្ដាលមកពីអ្នកខ្លះអត់ព្រមរងចាំនិងចង់បង្ខូចឈ្មោះក្រុមហ៑ុនផងទើបក្លាយទៅជាអញ្ចឹង។ តំណាងក្រុមហ៑ុនដដែលបន្តថា“រឿងសែកនោះគឺក្រុមហ៑ុនបានចេញទុកមុនដើម្បីអោយម្ចាស់ភាគហ៑ុនទាំងអស់ទៅបើកនៅធនាគារប៉ុន្តែមកពីក្រុមហ៑ុនយើងស្ទះលុយខ្លះៗ ហើយស្នើអោយពួកគាត់កាន់សែកដែលយើងប្រគល់ជូនមកបើកលុយនៅក្រុមហ៑ុនវិញហើយក្រុមហ៑ុនបើកជូនមិនបានទាន់ពេលគ្រប់គ្នាទើបវាទៅជាចឹងប៉ុន្តែការពិតក្រុមហ៑ុនអត់មានបោកទេហើយការដោះស្រាយយើងប្រកាសនឹងពន្យល់ពួកគាត់គ្រប់លើក“។ លោកសារភាពក្រុមហ៑ុនក្នុងពេលរាំងស្ទះលុយកាក់គឺនៅតែបើកផលចំណេញនិងប្រាក់ដើមជូនក្រុមអ្នកវិនិយោគជាប្រចាំបើទោះជាក្រុមហ៑ុនក៍ជាជនរងគ្រោះពីក្រុមភ្នាក់ងាររបស់ក្រុមហ៑ុនដែលប្រមូលលុយរត់ ។

តំណាងក្រុមហ៑ុនដដែលបន្តថាហេតុផលដែលក្រុមហ៑ុនផ្ទុះឡើងនូវបញ្ហាហិរញ្ញវត្ថុមិនអាចបើកលុយចំណេញអោយម្ចាស់ភាគហ៑ុនបានតាមការកំណត់គឺបណ្ដាលមកពីការវិនិយោគលើវិស័យដីធ្លីមិនទទួលជោគជ័យដូចការរំពឹងខណៈដែលការផ្សព្វផ្សាយនិងធ្វើសកម្មភាពផ្សេងៗលើគម្រោងវិនិយោគក៍ត្រូវចំណាយខ្ពស់។ បញ្ហាចំបងមួយទៀតគឺដោយសារតែភ្នាក់ងារទីផ្សាររបស់ក្រុមហ៑ុនមួយចំនួនដើរប្រមូលលុយពីដៃគូវិនិយោគហើយមិនបានយកលុយទាំងនោះមកដាក់ជាមួយនឹងក្រុមហ៑ុនទេ។ ផ្ទុយទៅវិញនៅពេលក្រុមហ៑ុនមានបញ្ហាពួកគេបែរជារត់ប្រាស់អាយុហើយទម្លាក់បញ្ហាមកលើក្រុមហ៑ុនអោយទទួលខុសត្រូវទើបធ្វើអោយក្រុមហ៑ុនរងប៉ះពាល់ដល់ម្លឹង។

ជាក់ស្ដែងក្រុមហ៑ុនរកឃើញឯកសាររបស់ដៃគូវិនិយោគមិនតិចនោះទេថាមិនបានដាក់លុយក្នុងការវិនិយោគជាមួយក្រុមហ៑ុនទាល់តែសោះពោលគឺបានវិនិយោគជាមួយតំណាងទីផ្សាររបស់ក្រុមហ៑ុនហើយតំណាងរូបនោះរត់យកលុយបាត់ប៉ុន្តែបែរជាអោយក្រុមហ៑ុនទទួលខុសត្រូវខណៈដែលក្រុមហ៑ុននៅតែបន្តដោះស្រាយ។ យ៉ាងណាមិញ លោកថាក្រុមហ៑ុនEnarita នឹងបង្វិលដើមសងវិញតែចំពោះអតិថិជនណាដែលបានដាក់លុយជាមួយក្រុមហ៑ុនប៉ុណ្ណោះហើយបណ្ដាលមកពីក្រុមហ៑ុនមិនព្រមដោះស្រាយជាមួយអ្នកចាញ់បោកមេខ្យល់នោះហើយទើបបណ្ដាលអោយមានការបង្ខូចឈ្មោះថាក្រុមហ៑ុនឆបោក។តំណាងក្រុមហ៑ុនEnarita ប្រកាសថាលោកអគ្គនាយកក្រុមហ៑ុនមិនបានត្រូវបានចាប់ខ្លួនដូចព័ត៍មានខ្លះផ្សាយនោះទេពោលគឺកំពុងចុះឡើងដោះស្រាយដើម្បីទទួលខុសត្រូវលើបញ្ហាដែលកើតឡើង។

ជាមួយគ្នានោះអ្នកវិនិយោគជាមួយក្រុមហ៑ុនជាច្រើនទៀតក៍បានច្រានចោលការបង្ខូចឈ្មោះនិងអះអាងថា លោក ឌឹមសួនណាត មិនដូចអ្វីដែលធ្វើអោយយល់ច្រឡំផងដែរ។ ក្នុងនោះយោងតាមការបង្ហោះរបស់តារាសិល្បៈជាច្រើនដូចជាអ្នកនាង ខាត់ សុឃីម តារាចម្រៀង លោក សៅ ឩត្តម និងតារាជាច្រើនផ្សេងទៀត ក៍បានបង្ហោះច្រានចោលចំពោះការចោទប្រកាន់និងអះអាងលោកឌឹម សួនណាត គឺជាអគ្គនាយកច្បាស់លាស់និងមានទឹកចិត្តហើយមានការទទួលខុសត្រូវខ្ពស់ចំពោះការខាតបង់របស់អ្នកពាក់ព័ន្ធនឹងក្រុមហ៑ុនដោយមិនមែនជាមនុស្សឆបោកឬគេចវេសដូចការបំភ្លៃនោះទេ ។

ជាមួយនឹងការបំភ្លឺនេះគេរំពឹងថានឹងធ្វើអោយការយល់ច្រលំត្រូវបានលាងជម្រះខណៈដែលតារាសិល្បៈច្រើនឡើងត្រូវគេឃើញចេញមុខការពារលោកឌឹម សួនណាត ដោយតារាទាំងនោះហ៑ានទាំងយកកិត្តិយស មកធានាចំពោះករណីនេះផង។ ក្នុងនោះសូម្បីតែបុគ្គលិកនិងអ្នកពាក់ព័ន្ធក្រុមហ៑ុនភាគច្រើនក៍ត្រូវគេឃើញដូរប្រូហ្វាល់ដោយប្រើពាក្យថា“ខ្ញុំស្រលាញ់Enarita” ដើម្បីបង្ហាញពីកម្លាំងសាមគ្គីនិងច្រានចោលចំពោះការបង្ហោះបង្ខូចឈ្មោះក្រុមហ៑ុននិងបង្ខូចឈ្មោះលោកឌឹម សួនណាត នោះផង៕

%d bloggers like this: